講兩句《真人快打》
-
真正嘅笑片，往往唔係開宗明義賣笑，而幾可肯定，尋晚睇嘅《真人快打》係我近期睇過最好笑嘅電影!
-
呢種笑，並唔係負面嘅恥笑，而係真正發自內心嘅微笑。每當電影角色被重創之後死極都死唔去，每當人物以極其認真嘅表情去做一啲令人匪而所思嘅事，每當啲奸角表面上奸到出汁，但行為實際竟然好乖，每當唔熟隻Game嘅我突然見到主角chok一啲不知名但熟口熟面嘅大技，每當貌似某國國家領導人嘅大奸角出現，每當一幕又一幕預計到但又好無厘頭嘅情節出現，我都會爆笑，然後，全套戲都喺極其愉快嘅心情之下渡過。
-
睇戲嘅時候無分心，反而好集中，好專注咁發掘下一個笑位，再強調一次，《真人快打》係一套優秀嘅電影，最少喺笑片方面係出色，一套爽片可以拎到呢一個無心插柳而微妙嘅平衡，唔簡單。
Search